1880 жылы АҚШ үкіметіне Оңтүстік Дакота штатынан «түсініксіз бір өсімдік» туралы арыз түседі. Іле-шала АҚШ-тың батысына ауа жайылып, жаулап бара жатқан «қорқынышты өсімдік» туралы арыз-шағым Вашингтонды басып қалады. «Құбыжық өсімдік орыстардың жіберген құпия қаруы екен» деген болжамдар да айтыла бастайды. Сол жылы ауылшаруашылық министрлігі тағайындаған арнайы өкіл Оңтүстік Дакота мен тағы бірнеше штатты аралап шығып, зерттеу жүргізеді. Соңында бұл өсімдіктің ешқандай қару емес екенін, Ресейден сатып әкелінген бір тұқымдармен ілесе келген Еуразия даласында кең тараған алабұта тұқымдас шөптесін өсімдік екенін анықтайды. Әлгі «құбыжық шөп» қазір АҚШ-тың шөлейттеу аймақтарына кең тарап, жерсінгені соншалықты кейбір штаттардың символына да айналып кеткен. Бұдан құтылмасын білген америкалықтар кейде әлгі өсімдіктен кәдімгі аққала құсатып аулаларына мүсін жасап қояды екен;) National Geographic-тің әдемі мақаласын оқып отырып ойға қалдым: «Әй, қаңбағым-ай, АҚШ-ты қазақтан бұрын жаулап алған екенсің ғой» деп;)))
http://ngm.nationalgeographic.com/2013/12/tumbleweeds/johnson-text