«Таңшолпанда» қонақта болған ҚР Парламенті Мәжілісінің депутаты Алдан Смайыл және Түркі академиясының президенті Дархан Қыдырәлі аталған мерекенің жай-жапсарына тоқталды.
«Мен түркі жазуы туралы мәселені сонау 1990 жылы көтерген едім. Себебі, сол жылы славян жазуы күні атала бастады. Оны сол кездегі Ақмолада дүркіретіп атап өтті. Кейін Ресейде де тойланғанын естідік. Осыдан кейін ойлана бастадым. Бізде де сына, бітік жазуы жеген жазу болған. Ол адамзаттың үлкен жетістігі саналады. Өзге елдер атап өтіп жатқанда біз неге үнсіз отырмыз, деп көтерген едім»,-дейді Алдан Смайыл.
«Түркі жазуы күні елімізде алғаш рет өткелі отыр. Оның неге дәл 18 күні өтетінінің өз маңызы бар. себебі, 18 мамыр – Күлтегін ескерткішінің Астанаға келген күні. Ал «Түркі жазуы» аталуының себебі неде? Руна, сына, бітік жазуы жалпы «Түркі жазуы», деп аталады. Қаржаубай Сартқожаұлы, Әділ Ахметов сынды түрколог мамандар да осы атауға тоқтады»,-дейді Дархан Қыдырәлі.
«Биыл бұл күнді атап өту 19 мамырға белгіленген. Оған Қазақстанның Мырзатай Жолдасбеков,Олжас Сүлейменов бастаған белгілі ғалымдары, Ресейден жалпы түркологияның танымал тұлғасыМирфатих Закиев сынды, Түркиядан Ахмет Ташғыл сияқты ғалымдар, Қырғыз елінен, Әзірбайжаннан танымал зерттеушілер келе жатыр»,-дейді Дархан Қыдырәлі.
«Тағы бір айта кететін жайт, бұл бастама тек Қазақстанда ғана емес, барша түркі әлемінде қолдау тауып отыр»,-дейді ол.