ҚазТАГ — Өзінің ұшқыштарын дайындау үшін
Қазақстан оқу аэродромын салады, деп мәлімдеді ҚР инвестиция және
даму министрлігінің азаматтық авиация комитетінің төрағасы Бекен
Сейдахметов.
«… Жаттығуларға арналған өндірістік ғимарат салуға қосымша қаржы
бөлу жоспарлануда. Оны болашақта оқу аэродромына
айналдырамыз», — делінген жұма күні primeminister.kz сайтында
жарияланған Б. Сейдахметовтың сұхбатында.
Оның айтуынша, ұшқыштар тапшылығы мәселесі Қазақстанда ғана,
бүкіл әлемдегі өзекті мәселе.
«Жоғары класты ұшқыштарды дайындау үшін нақты материалдық
ресурстар, уақыт керек. Сондықтан бізде қазіргі таңда ұшқыштардың
65%-ы қазақстандық, 35% — ы шетелдіктер. Біз алдымызға 2018 жылға
дейін әуе компанияларындағы ұшқыштардың 80%-ы қазақстандық
болады деп жоспарлап отырмыз. Ал 2020 жылға қарай 100%-ы
қазақстандық болады», — деп түсіндірді ол.
Б. Сейдахметов Алматыдағы азаматтық авиация академиясында
ұшқыштарды дайындаудың жаңа заманауи бағдарламалары
әзірленгенін айтты.
«Академияның материалды-техникалық жағдайын жақсарту үшін
алғаш рет оқу ұшақтарын сатып алуға 1,7 млрд теңге бөлінді. Қазір
академия сатып алу рәсімдерін аяқтауда», — деп толықтырды ол.
