Қазақстан делегациясы Түркия Қорғаныс министрінің бірінші орынбасары Шабан Ұмытпен кездесу өткізіп, қорғаныс өндірісінің беделді түрік компанияларына, оның ішінде оптикалық жабдықтар мен радиолокациялық құралдарды өндіретін «Аселсан» корпорациясына, әскери реактивтік ұшақтарға қондырғыларды өндіретін «ТАИ» корпорациясына, брондалған техниканы шығаратын «Отокар» корпорациясына және т.б. барып қайтты.
Қазақстанның әскери делегациясы ұшақтарды Ұшқышсыз әуе көліктерді және басқа әуетехниканы құрастыру жөніндегі «ТАИ» компаниясының жұмысымен танысты. Қазіргі кезде бұл компания барлық әуе техника түрлерін, оның ішінде шабуылшы тікұшақтарды, Ұшқышсыз әуе көліктерді, әуе нысаналарды, жаттықтыру-шабуылшы ұшақтарды, «Эйрбас» әуе кемесінің кейбір бөлшектерін өндіріп шығарушы көпсалалы кәсіпорын болып табылады.
Сапардың барысында қорғаныс өндірісі саласындағы ынтымақтастық жөніндегі қазақ-түрік комиссиясының 7-ші отырысы өткізіліп, оның қорытындылары бойынша ынтымақтастық туралы Протоколға қол қойылды.
Кездесулер барысында тараптар әскери, әскери-техникалық және әскери білім беру аясындағы екіжақты ынтымақтастықты дамыту болашағы туралы пікір алмасты. Қазақстанның әскери кадрларын шетелде даярлау бойынша Түркияда әскери оқу орындарында курсанттармен қатар офицерлерді оқыту мәселесінің асты сызылды.
Айта кетерлік жайт, Түркияның әскери электрондық өндірісі бойынша қорғаныс өндірісі саласындағы ірі кәсіпорын болып табылатын «Аселсан» компаниясымен ұсынылған. Қазақстан делегациясы компанияның басшылығымен бірге 2013 жылғы желтоқсанда Астанада ашылған «Қазақстан Аселсан инжиниринг» қазақ-түрік қорғаныс-өндірістік зауытының алдағы даму перспективалары және оның іске асырылуы туралы пікірлесті.
Тараптар Қазақстан делегациясы сапарының қазақ-түрік ынтымақтастығының одан әрі дамуына айтарлықтай септігін тигізетінін атап өтті.
http://mfa.gov.kz/