ТҮРКІСТАНДА КӘСІПКЕРЛІК ОРТАЛЫҒЫ АШЫЛДЫ
«Атамекен» Кәсіпкерлер палатасы Президиумының Төрағасы Тимур Кулибаев Түркістан қаласында «бірыңғай терезе» қағидатымен жұмыс жасайтын Кәсіпкерлерді қолдау орталығын ашты.
Мұнда кәсіпкерлер үшін барлық қызметтер тегін көрсетіледі. Атап айтсақ, кәсіпкерлерді қолдау орталығында Кәсіпкерлер палатасы, «Қазагромаркетинг» АҚ, «Кәсіпкерлерді қаржылай қолдау қоры» АҚ, «Халыққа қызмет көрсету орталығы» ММ кеңесшілері мен мамандары қызмет жасайды. Алдағы уақытта шаруасын жүргізетін кәсіп иелеріне осы орталықта 20-дан астам қызметтер көрсетілмек. Яғни, кәсіпкерлерге қызмет көрсету орталығын ашудағы мақсат – бастаушы және әрекеттегі кәсіпкерлер үшін облыстық және аудандық, қалалық деңгейде толық жағдай жасау.
Айта кетерлігі, орталық ішінде кәсіпкерлік мектебінің ашылу салтанаты өтті. Бұл мектепте кәсіпкерлік бастамамен халықты және кәсіпкерлік субъектілерін кәсіпкерлік негізіне оқыту көзделген.
Қорыта келгенде, қасиетті қалада бой көтерген орталық саны алдағы уақытта да арта түспек. Ол үшін 2014 жылы облыс бюджетінен 1 млрд. 900 млн. теңге бөлініп, аймағымыздағы 14 аудан, қалаларда дәл осындай кәсіпкерлік орталықтар салынған. Енді қалған өңірлердегі Кәсіпкерлерді қолдау орталықтары үстіміздегі жылдың сәуір айына дейін іске қосылмақ.
Түркістан Қаласы Әкімінің Аппараты