Қазақстанның сыртқы істер министрлігі ресейлік саясаткер Эдуард Лимоновтың «Қазақстанның солтүстік өңірін Ресейдің қарамағына қосып алу» туралы ұсынысына орай Мәскеуге қарсылық нотасын жолдайтынын хабарлады.
Лимоновтың ресми тұлға емес екенін, оның пікірі Ресейдің көзқарасы болмайтынын айтқан Қазақстан ол сөзге байланысты Мәскеудің ресми пікірін білу үшін нота жазғанын айтады.
Эдуард Лимонов бұған дейін Facebook-парақшасында девальвацияның Қазақстанға теріс ықпал етіп отырғанын айтып, Кремльге «бұл елдің солтүстік аймақтарын қосып алуды» ұсынған еді.
Азат Еуропа / Азаттық радиосы