«Мұздай қаруланған бір топ адам ел аумағынан ұшып шығуға рұқсат беру үшін шекарашыларға пара ұсынған. Алайда шекарашылар бұл ұсынысты қабылдамай тастағаннан кейін, ұшаққа брондалған екі көлік келгенде бірнеше адам сол көліктерге отырып, әуежай аумағынан кетіп қалды», — деді Астахов.
Украиндық БАҚ таратқан мәліметте, шекарашылар Украинаның экс-прокуроры Виктор Пшонк, бұрынғы кіріс және жинау министр Александр Клименко мен ІІМ экс-басшысы Виталии Захарченконың да Донейцкіде рейске отыруына рұқсат бермей қойған.
Осыдан бірер сағат бұрын украиндық бірнеше ақпарат құралдары ақпанның 22-і күні кешқұрым Виктор Януковичтің Ресейге ұшып шыққанын жариялаған-тұғын. Жергілікті журналистер ол кезде сондай-ақ, Украинаның бұрынғы премьер-министрі Николай Азаров, Харьков облысының губернаторы Михаил Добкин мен Харьков мэрі Геннадий Кернестің де елден кетіп қалғаны туралы мәліметтер таратқан болатын.
Еске саламыз, Украина парламенті ақпанның 22-і күні Януковичтің өзіне жүктелген конституциялық міндеттерді орындамады деп айыптап оны қызметінен босату және 2014 жылы мамырдың 25-і күні мерзімінен бұрын президенттік сайлау өткізу туралы қаулы шығарған. Ал Янукович болса, телеарна арқылы таратқан мәлімдемесінде отставкаға кетпейтінін, парламент шығарған шешімдердің барлығы заңға қайшы келетінін айтқан. Ол сөз арасында елден кетпейтінін айтқан еді.
Tengrinews.kz