АҚШ-ның Fox News деп аталатын телеарнасы бір күннің ішінде мұсылмандардан тілшілерінің әдепсіз сөздері үшін төрт мәрте кешірім сұрауға мәжбүр болды. Телеарна тілшілерінің бірі өзі жасаған бағдарлама аясында Еуропа мемлекеттерінің біріндегі бір аудан жайлы айта келіп, ондағы адамдардың өз заңдарымен жүріп-тұратындығын, ал өзге діндегілердің бұл жерге қорыққандықтан аттап баспайтынын айтып, ағаттық жасағаны үшін телеарна басшылары кешірім сұрауға мәжбүр болған.
Дәл осы күні Fox News арнасының қонағы СТИВ Эмерсон тікелей эфирден «Британдық Бирмингемнің мұсылмандардың қаласы» екенін айтады. Сәлден соң телеарна осы айтылған ағат пікір үшін тағы да кешірім сұрайды. Бұл жайында Салам Ньюс баспасөз орталығы хабар таратты. «Біздің қонағымыз қателік бой алдырды. Аталмыш қала тұрғындарының 22 пайызы мұсылман дінінде емес», – деп мәлімдеді телеарна эфирінен.
Сондай-ақ, Fox News телеарнасы эфирде айтылған бірқатар статистикалық мәліметтер үшін де кешірім сұрауға тура келді. Журналисттер Франция тұрғындарының 69 пайызы «Ислам мемлекетінің» басқыншыларының ұстанымын қолдайды деген жалған ақпарат таратқан. Сондай-ақ, телеарна тілшілері Еуропа елдерінің кейбірінде бұл көрсеткіш 40 пайызға жетеді көкіген көрінеді.
muslim.kz