Ел басы Нұрсұлтан Назарбаев 25 ақпанда Қазақстан халқына жолдаған видео үндеуінде, 2015 жылы 26 сәуірде кезектен тыс президент сайлауын өткізу туралы жарлыққа қол қойғанын мәлімдеді.
Нұрсұлтан Назарбаев 25 ақпанда Астанада сенат төрағасы Қасым-Жомарт Тоқаев, мәжіліс төрағасы Қабиболла Жақыпов және премьер-министр Кәрім Мәсімовпен президент сайлауын өткізу мәселесін талқылаған еді.
Кезектен тыс президент сайлауын өткізу туралы бастаманы ақпанның 14-інде Астанада өткен кеңесте Қазақстан халқы ассамблеясы көтерген. Ассамблея ұсынысын парламент мәжілісі мен сенаты, саяси партиялардың көпшілігі қолдағандарын мәлімдеген.