Бұл жөнінде бүгін БАҚ өкілдерімен кездесу барысында театр және кино актері Азамат Сатыбалды айтты.
— Қазақ хандығының 550 жылдығы биылғы жылдың үлкен бастамасы. Елбасының өзі қолдап, ұсыныс беріп үлкен туынды жасалып жатыр. Оны түсіру бойынша жұмыстар енді-енді басталуда. Оны Рүстем Әбдірашев түсіретін болды. 10 немесе 12 бөлімнен тұратын болды. Шынын айтсақ актерлерді әлі кастинге шақырған жоқ. Кастинг сәл кешірек болады. Қазір дайындық жұмыстары жүріп жатыр. Әрине ондай тарихи, қазақтың тарихында қалатын киноларға түсуді әрқайсысымыз армандаймыз. Тіпті кастинге барып таласамыз да, жарысамыз да. Бірақ іштей ішімізден шынымен де кезіндегі батырларға келетін, болмысы ұқсайтын актерлер өтсе екен деп ойлаймыз. Өйткені оны тек біздің қазақ емес әлем көреді, — деді актер.
Айта кетейік, қазіргі уақытта Азмат Сатыбалды мен Әділ Ахметов Ақан Сатаевтың жұмыс атауы «Оралу» киносына түсуде. Онда соғыс жылдарындағы ана мен баланың арасындағы қарым-қатынасы баяндалады.
А.РАКИШЕВА, Ғ.МАДАЛИЕВ
baq.kz