Оспан Батырдың бозбалалық дәуіріндегі жаугерлік мінезін әкесі İсламбай, Зуқаға келіп айтады. Сонда Зуқа:
Балаңа бес-алты қой және бір қанша жылқы алып бер де тауға қоябер. Ол, осымен шұғылданып, еркін өсіп батыр болатын көрінеді дейді. İсламбай осыны орындайды.
Бір күні Зуқа, жол-жөнекей Оспанның отырған үйіне келеді. Жас жігіт Оспан қошемет пен қарсы алады. Зуқа оның үйінен шай ішіп енді кетерінде Оспан Зуқаға: “Ата бұйымтай шаруаңыз барма?” деп сұрайды сонда Зуқа:
Ана есіктің алдындағы қапта тұрған тарының біреуін атыма өңгеріп бер дейді. Оспан, ол тарылардың екеуін бірдей екі қолы мен көтеріп ала жүгіріп Зуқаның атына өңгеріп береді. Сонда Оспанның осындай құрмет көрсеткеніне және оның зілдей екі қапты екі қолы мен көтере алып-ұшып атына өңгеріп бергеніне назар аударған Зуқа, ризашылығын білдіріп, әрі батасын беріп былай айтқан екен
“Тірі жүрсең елді бетіңе бір қаратарсың,
Керейдің кері жақ батыры атанарсың.”
Деп қол жайып, бетін сыйпап батасын берген дейді ауылымның кәриялары. Оспан бұдан кейін Зуқаны пір тұтып, оның ауылына “пірімнің ауылы” деп атап кетіпті. Осыдан соң бала жастан Оспан, Зуқаның ауылына жиі барып келіп жүріпті.
