Қырым татарларының лидері, Меджилистің бұрынғы төрағасы Мұстафа Джемилев Нобель бейбітшілік сыйлығына ұсынылды. ВВС-дің хабарлауынша, оның кандидатурасын Татарстан ақсақалдар кеңесі, Татар қоғамдық орталығы және қырым татарларының Меджлисі сияқты біррнеше ұйым аталған сыйлыққа лайықты деп тапқан.
Татар ұйымдарының бірлескен мәлімдемесінде Джемилевтің арқасында қырым татарларының Украина қоғамының ажырамас бөлігіне айналғаны айтылған.
Мұстафа Джемилев – аса танымал совет диссиденттерінің бірі. Ол сталиндік депортацияға ұшыраған туған халқын тарихи атамекені – Қырымға қайтару мақсатында күресіп, 15 жылдан астам уақыт совет түрмелері мен лагерлерінде қамауда болған.
Қырым татарларының жетекшісі бұған дейін де екі рет – 2009 және 2011 жылдары Нобель сыйлығына ұсынылған еді.
azattyq.org