Ұлы Британия сын сағатта талай мәрте өздерімен бірге бір саптан табылған гурхтарға қатты қарыздар екенін үнемі мәлімдесе, орыс империясы екінші дүниежүзілік соғыста орыстар ғана ерен ерлік көрсеткенін айтудан танбай келеді..Гурхтар демекші..Олардың көзсіз батырлығы туралы аңызға бергісіз әңгімелер көп. Үндістаннан Непалға басып кірген Англия гурхтардың қатты қарсылығына тап болған. Жер шарындағы тағы бір елді жаулап алуға дәмеленген отаршылдар осы соғыста оңбай жеңіледі. Майдан даласында небір көзсіз ерліктер жасаған Непалдықтармен шайқасуға олардың жүрегі дауламай қалады. Ақыры, гурхтарды жеңе алмасын білген ағылшындар: «Онда бұлар біздің одақтасымыз болуы керек!» деп, ақылға келіпті. Содан бері Непалдың жаужүрек жауынгерлері Англияға адал қызмет атқарып келеді. Айтпақшы, олардың басынан өткен мынандай бір қызық оқиға бар. Британ армиясы Нормандияға әскер түсіретін кезде гурхтардың полкына әуе десантына адам іздеген рекрутер келеді. 3000 метрдей биіктіктен секіретіндерін естіген полктағы гурхтардың тек үштен бірі ғана авиаполкта қызмет етпек болады: «Егер сәл жерге жақын ұшқанда келісе салар едік» деген екен непалдықтар. Сүйтсе, олар айырпланнан парашютпен секіретіндерін білмепті. «Батыр аңғал»,- деген осы…
Jolimbet Makishev