Қазақстан Республикасының Қорғаныс министрі Серік Ахметов Қытай Халық Республикасына ресми сапары шеңберінде ҚХР Мемлекеттік кеңесінің Премьері Ли Кэцянмен кездесті.
Кездесуде екіжақты стратегиялық ынтымақтастықты, соның ішінде әскери және әскери-техникалық саладағы өзара іс-қимылды әрі қарай нығайту мәселелері талқыланды.
С. Ахметов «Қазақстан мен Қытайды екі ел көшбасшыларының жылы және достық қарым-қатынасына негізделген берік және ұзақ мерзімді ынтымақтастық байланыстырады. Екі ел қорғаныс ведомстволары арасындағы әріптестік осы ынтымақтастықтың маңызды бір бағыты болып табылады», — деді.
Өз кезегінде ҚХР Мемлекеттік кеңесінің Премьері Ли Кэцян «Қытай Қазақстанмен мемлекетаралық байланыстардың барлық бағыттары бойынша, соның ішінде әскери және әскери техникалық салада да стратегиялық өзара іс-қимылды кеңейтуге әзір»- деп атап өтті.
mod.gov.kz