ҚАЗІРГІ ҚЫЗДАРҒА

Акзат Табын
Қазіргі қазақ қызы — мүлде бөлек,
Көшеңде юбка киіп тайрандаған.
Жүз пайыз деп алар болсақ қазақ қызын,
Жартысынан көпшілігі шимайланған!
Көпке топырақ шашуым жөн болмайды,
Тұнығы бар судында лайланбаған!
Он алтыға жетпей жатып хас сұлуын,
Жігіт көрсе жымиып жырпылдаған!
Кәмелеттік жасы толмай жүкті болып,
Ақ қағаздар қаншама умаждалған!
Ойнастан ойда жоқта туған бала,
Жетімдер үйінде жүр жаутаңдаған!
Еркек келсе етек жая қарсы алатын,
Қалған дәстүр емес еді салтымыздан!
Ал енді азда болса сыр шертейін,
Өткен күнім кешегі тарихымнан.
Қызының абыройын атам қазақ,
Жауды да жайпап өтіп кегін алған.
Қыз бала намысы боп — ата-ананың,
Кек алғанда қанға қан басын алған.
Ал бұл күнде абыройың былай тұрсын,
Қызыңнан ұят кетіп арланбаған!
Вокзалға қадам бассаң жеңгетайлар,
Қара қызын қарындасын саудалаған.
Қалған шырақ тақымға көп басылып,
Ата-ананың үміті ғой жанбай қойған.
Тәрбие тал-бесіктен басталмаса,
Еш нәрсе бола қоймас қайғырғаннан!
Осы бастан қызға тыю болмаса егер,
Айырыламыз болашақ аналардан!
(«Бөрі қанша арлан боп ұлығанмен
қаншықтан қаншық туат қыңсылаған»)